កាព្យឆ្លើយឆ្លង (៨)

Jasmine Kc

បងយកទ្រូងពាំងការពារស្រ‌ី                    លង់លុះផែនដីឆេះខ្ទេចផង់
ស្នេហ៍ស្មោះភក្តីមិនបោះបង់                     មានរៀមត្រកងស្ម័គរួមខ្នើយ។

ស្តាប់បេះដូងបងនាងនឹងដឹង                    ថាប្រុសម្នាក់ហ្នឹងតែងដង្ហើយ
ចង់និត្យនៅក្បែរកែវត្រាណត្រើយ             ឧ៍...ម្ចាស់ចិត្តអើយស្នេហ៍នាងមួយ។

 Da Vanny

ល្អណាស់គូស្នេហ៍បែរយល់ចិត្ត                 ប្រលោមលោមស្និទ្ធពិតគ្មានព្រួយ
លះបង់ជូនគ្នាមួយនិងមួយ                      ស៊ូរក្សាត្រួយពន្លកស្នេហ៍ ។

ខ្ញុំក៏សាទរ បវរជូន                                  ក្នុងនាមបងប្អូនឈាមជាខ្មែរ
សូមមានសេរីកុំបីបែរ                              បានដល់គូស្នេហ៍ថែភក្តី ។

អាយុ វណ្ណៈ សុខៈ ពល                           សូមឲ្យបានដល់មង្គលសួស្តី
បានជោគជយានាលោកីយ៍                      គ្រប់ទិន្នរាត្រីអវសានអើយ ។

Jasmine Kc

អរគុណវណ្ណនីជាអនេក                          ដែលរួមរំលែកពាក្យឆ្លងឆ្លើយ
ថែមទាំងជូនពរមង្គលត្រើយ                    ក្នុងចិត្តបានស្បើយហើយត្រេកអរ។

ប្រហែលរង់ចាំជាតិថ្មីទៀត                       ជាតិនេះត្រឹមញាតិនឹងឆោមពណ៌
ឧ៍..អង្គារ៉ាល្អសែនល្អ                               ធីតាអង្គរកល្យាណី។

                                                          បញ្ចប់ 21,11,2012